«Ҡатын-ҡыҙ — ул серле йыһан»
6 март көнө Өмбәт ауыл китапханаһында «Ҡатын-ҡыҙ — ул серле йыһан» исемле сара үтте. Китапханасы ҡатын-ҡыҙҙарҙы байрам менән ҡотлап, матур шиғыр менән сараны башлап ебәрҙе. Сара барышында ҡатын-ҡыҙҙарға төрлө ҡыҙыҡлы интеллектуаль һәм хәрәкәткә ҡоролған уйындар тәҡдим ителде. «Ромашка» , «Гармун», «Борсаҡ өҫтөндәге принцесса», «Дөрөҫлөк детекторы», «Киноман» уйындарында бөтәһе лә ихлас ҡатнашып, бирелгән бөтә биремдәрҙе лә үтәнеләр, рәхәтләнеп күңел астылар. Сарала ҡатнашыусылар үҙҙәре лә йырланы, шиғыр һөйләне, ҡатын-ҡыҙ психологияһына бәйле ҡыҙыҡлы хәлдәр тураһында укынылар. Байрам сараһы сәй табыны менән тамамланды.