«21 март – Бөтә донъя шиғриәт көнө»

Шиғриәт көнө менән, дуҫтар!
Хәйерле көн һеҙгә, хәйерле көн,
Хәйерле көн, дуҫтар, туғандар,
Хәйерле көн һеҙгә, донъя йөгөн
Йөкләп барған ирҙәр, уландар!
Хәйерле көн һеҙгә, сос ҡатындар,
Донъя күрке – изге әсәләр!
Хәйерле көн һеҙгә, эшсән ҡыҙҙар,
Ер биҙәге – яҙғы сәскәләр.
Хәйерле көн, имен-аманлыҡта
Гөрләп үтһен хеҙмәт йылығыҙ.
Һеҙҙең тырышлыҡтан ҡеүәт алып,
Балҡып торһон тыуған илебеҙ.
Зәйнәб Биишева.
Үҙәк китапханала “Сылтыр шишмә” әҙәби клубы ағзалары менән Бөтә донъя шиғриәт көнөнә арналған күркәм сара уҙҙы.Сараны китапханасы Гөлкәй Әлмөхәмәтова әҙерләп алып барҙы.”Сылтыр шишмә”әҙәби клубы ағзалары үҙҙәре ижад иткән шиғырҙарын уҡыны, фекер алышты, күңелле хәтирәләре менән бүлеште. Шулай уҡ “Сылтыр шишмә” ағзаларының шиғырҙары, мәҡәләләре тупланған китапсыҡтың донъя күреүе бигерәктә ҡыуаныслы ваҡиға булды.Артабанда ижад шишмәһе һүрелмәһен,күберәк яҙышып торайыҡ,- тигән теләк менән хушлаштылар беҙҙең ижадсы дуҫтарыбыҙ.